洪天明細仔JT日前出世，他當時帶齊攝錄裝備入產房拍攝珍貴一刻，並親手為兒子剪臍帶。由於擔心哥哥TJ呷醋，近期他不時以細仔名義送禮物「賄賂」TJ。

洪天明抱大仔TJ出席活動，又表示暫無意再追女。

可愛TJ扮開車，洪天明扶到實。

周家蔚本周二再為老公洪天明誕下細仔JT，天明昨日帶同大仔洪大仁（TJ）及媽咪到將軍澳出席活動，天明受訪時說：「本來諗住出咗院先同大家公布，但係袁偉豪戥我高興將消息公開咗。JT重7磅，母子都好健康，JT同哥哥初出世時都似爺爺（洪金寶），因為塊面好腫，依家冇咁似。最擔心哥哥見到細佬會呷醋，所以用細佬名義買咗好多玩具同甜品送畀哥哥，好似賄賂咁！」

中文名未定

他又透露當日帶齊攝錄裝備入產房，拍攝細仔出世珍貴一刻：「仲親手剪埋臍帶，但係家蔚就唔敢睇。（送咩畀太太？）送咗個BB同埋精液啦！（再追個女﹖）應該收工唔會再生，除非老婆好想生啦！如果再追女可能都會去外國選擇性別。」他又指細佬JT的中文名仍在思考中：「我想改洪藝，朋友講笑話叫洪大義、洪大波，爺爺之後諗咗個洪景琋，畀師傅睇過都話幾好。」