前亞姐黎淑賢（Bonnie）早前被《好報》影到先後兩次偕美容醫生老公許智政拍拖甜蜜出巡，Bonnie雖然年屆37，但其o靚模般的打扮完全不像四子之母，當日其甜到漏的笑容可謂將早前被指婚姻出現暗湧的傳言畫上句號！

黎淑賢以o靚模般的打扮偕老公許智政拍拖出巡。

保養得宜的黎淑賢，完全不似四子之母，身旁的大仔已高過她。

她接受電話訪問時被問到是否以保持少顏箍丈夫？她笑說：「人靚係為自己，唔係為人哋嘅，不過我哋兩個好Sweet。（有咩美容心得？）我好努力做運動，我起身第一件事係敷Mask，一日至少敷三次，覺得自己就嚟走火入魔！女人要靚都係得兩個字，就係『勤力』。咁多人讚我都好開心，依家同我16歲半大仔出街，啲人都以為我係佢女友，我覺得依家仲Fit過當年17歲選亞姐嗰時，多謝我老公有幫我Keep住個靚樣。」