昨日《好報》獨家披露影星安志杰（Andy）早前慳皮以外賣Pizza替拍拖半年的女友Jessica C.（JC）慶祝27歲生日，但以街坊平民化慶祝方式配上心形頸鏈做生日禮物，已足以冧爆JC！記者致電JC的經理人，她表示JC慶祝生日一向低調：「佢好少大事鋪張慶祝生日，過往嘅生日都係返美國探屋企人，今年喺香港過係因為同男友熱戀緊嘛！」還透露JC將於六月接拍一套新電影：「係一套動作片同男人戲嚟嘅，雖然係動作片，但佢就唔使打嘅。」

JC早前與安志杰手拖手買外賣慶祝生日。