洪永城（Tony）、李佳芯（Ali）及陳慧珊等無綫新劇《波士早晨》演員，昨日以士兵Look到西貢拍攝外景，陳慧珊拍照後依舊未有受訪。Tony笑說：「呢場英法大戰應該係成套劇最辛苦！（有報道指Ali姣你？）我唔知寫咗咩，但佢一定唔係姣精。（今後避忌啲，等緋聞女友唐詩詠放心？）我哋冇做啲乜，我唔覺Ali姣，我同佢亦一定唔會有緋聞。」

Tony和Ali全副武裝在戶外拍動作戲，諗起都覺得熱！

Ali則一笑置之說：「點解喺洪永城身邊嘅女仔，一定要同佢傳緋聞。可能我演過狐狸精同小三，會避忌啲。（怕唐詩詠詐型？）唔會，我哋喺化妝間撞到，都笑得好開心。人哋點講，控制唔到，但我唔會刻意埋身，身體接觸都盡量避，正常交往OK。（外界將你定型？）所以我要做多啲其他角色。」