產後的陳茵媺雖未完全收身，但明艷照人。

陳茵媺輕扶欣宜，十分細心。

欣宜大讚爸爸秋官的演技精湛。

欣宜望拍電影版《大時代》

陳茵與鄭欣宜昨日在銅鑼灣出席位元堂新店開幕儀式，產後兩個月的茵媺大晒收身成果，育有兩子的她幸福滿瀉，但暫未有意復出拍劇！

陳茵媺與鄭欣宜昨日到銅鑼灣出席位元堂全新中醫養生概念店開幕儀式，第二次榮升媽媽的陳茵媺雖未完全收身，但仍見身形曲線，成績不俗，忙於湊仔的她即興奮地與大家分享湊仔樂事：「大仔依家16個月，細仔2個月。（哥哥錫唔錫細佬？）佢會自動錫細佬，又會氹佢瞓覺。」她又透露仍未幫細仔改名，想依他的性格決定。問到何時正式復出？她表示目前以拍廣告及出席活動為主，若拍劇則要等兩個兒子再大一些才決定。

煲補品冇秋官份

而鄭欣宜則透露爸爸鄭少秋曾為位元堂拍廣告，而她平日亦會煲補品食。問到男友有沒有機會品嘗？她說：「係好朋友。（咁爸爸呢？）佢好嘴刁o架！」談到近日無綫重播經典劇《大時代》，令爸爸再次成為熱話，欣宜大讚爸爸演丁蟹一角與真人完全不同，至於若拍《大時代》電影版可會自薦？她說：「咁又唔會。（想做咩角色？）希望係新角色啦！」