陶大宇、劉美娟及蘇永康等昨日出席有線節目《我愛煮食男》活動，陶大宇表示會邊拍邊學廚，獲顧問讚廚藝達70、80分，他說：「習慣拍完收埋食譜做錦囊，有機會就試吓。（打算出書？）有人同我一齊癲都可以，拍完呢13集，每集煮兩、三道菜，加埋都有幾十款，當紀念同總結都好！」提到劇集《大時代》重播成為熱話，他有意邀請鄭少秋上節目，可惜對方因有合約在身未能成事。

陶大宇即場下廚，大顯功架！

此外，有傳劉青雲撬邵仲衡牆腳，當年力追劉美娟，陶大宇笑說：「呢啲唔使理，佢到依家都仲咁傻，講嘢好奔放、豪放，都幾十年前嘅事，算啦！」至於劉美娟則不作回應，又表示看舞台劇及外國劇會引發其戲癮，所以遇上好劇本亦會嘗試接拍。另外，在《大》劇飾演「童年方展博」的黃寶龍現時經營書店，他指秋官打死劉松仁的一幕令他最難忘，又自言是童星中最難入戲的一位。而他曾上載與苟芸慧合照，並留言希望對方出書。