天后容祖兒昨日以「獅子頭」及白色西裝的80年代造型亮相新碟宣傳活動，好友徐濠縈、鍾欣潼（阿嬌）及胡定欣等都有撐場，祖兒自稱造型是「獅吼功」：「當年麥當娜都梳過呢個髮型，係獅吼功，都整咗一個鐘！」問到西裝內僅穿黑Bra，為何不索性除去外套騷Quali？她說：「唔係賣弄性感，今日係誇張、大膽同破格。（男友劉浩龍睇過造型？）冇，佢睇報紙啦！」

祖兒梳「獅子頭」及穿西裝亮相

穿Deep V裝的阿嬌則以肉色內衣打底。

此外，她提及拍攝內地真人騷的苦況：「依家發夢畀人影緊，24小時拍住，有壓力同覺得緊張，房內有4部機影住，一熄機我就用布遮住瞓覺。」提到其七人座駕被高空磚頭擊中天窗，她透露已入稟法院控告肇事業主：「只係索償架車嘅維修費、搭的士同Book車費用，加埋五萬幾，係非常合理嘅索償。」至於阿嬌坦言要配合Shoulder Pad，才在Deep V裝內穿上肉色內衣。