黎耀祥、胡定欣、蕭正楠和楊詩敏（蝦頭）等昨日為無綫劇《公公出宮》在古裝街拍外景，期間蝦頭的手機不慎跌在地上，令人有穿越時空的錯覺，她解釋：「等緊一個緊急電話，所以將電話『攝』咗喺褲邊，點知動作太大唔小心跌咗落地！真係第一次，過往都擺埋部電話先開工。」問到是否正在等男友來電？她說：「唔係，等屋企人嘅緊急電話。（同邵子風關係如何？）一向好好，了解當中，我哋呢啲中女唔可以投入咁多，順其自然啦！」

蝦頭拍攝途中不慎跌手機，急急執起耍冧！

《公》劇演員在古裝街拍外景。

同場的黎耀祥透露，兒子曾表示有意考保險經紀牌，問到會否介紹藝人買保險？他說：「個仔同佢哋仲熟，唔使我介紹啦！由我幫佢開第一份保險單都冇所謂。」另外，胡定欣則透露將到開平一個月拍外景，記者笑指她不可與緋聞音樂人男友Terry見面長達一個月，她說：「大家仍然了解中，依家科技咁發達！（當地可能冇Wi-Fi？）咁寫信囉！」