早前有傳楊愛瑾（Miki）已與男友永安集團太子郭永淳在冰島註冊，她昨日出席活動時否認：「只係去冰島同芬蘭旅行，我想睇北極光好耐，順便去慶祝生日。（男友求o左婚？）o係芬蘭求咗，o係冰天雪地下，當時落住雪，好Surprise，太快o黎唔切反應！好開心，想去呢個地方好耐。（浪唔浪漫？）佢點樣我都覺得浪漫，不過我冇喊，平時就易感動好易喊。佢有跪低，基本o野都做晒，唔使花巧，做咩都鍾意！（求婚戒指幾卡？）呢o的唔係最重要，就算係戒指糖都開心，最重要係兩個人一齊分享生活，平淡相處，開心最重要。」

Miki大晒幸福，分享男友在芬蘭求婚的細節。

同場的Jessica C.以貼身低胸裙上陣，大搶風頭！

她表示仍未落實婚期，但應該會在明年拉埋天窗，地點則要與家人再作商討：「畀我揀會想揀少人去、好遠o既地方，不過結婚要顧埋屋企人，要溝通完先知。（擺幾次酒？）鍾意簡單一次，夠晒開心Enjoy就夠。（定o左姊妹團未？）走唔甩o個o的，Confirm晒時間地點佢o地就會報名！（郭永淳嘅前妻Connie祝福你？）有睇報紙，我都祝福所有人身體健康！」