「魔鬼胸」蔚雨芯母親半年前慘遭車禍，左腳骨折送院接受手術，當講到媽咪臥床大呻雙腿痛過生仔時，愛母心切的她終忍不住當場爆喊！

Rainky希望透過新歌《疼妳》帶出珍惜親情的訊息。

Rainky提到母親大呻周身骨痛時，忍不住當場爆喊！

歌手蔚雨芯（Rainky）昨日到電台宣傳新歌《疼妳》，希望藉着新歌歌頌遇上車禍的母親：「過去半年，媽咪身體發生變動，做女嘅無論喺事業定生活上都會支持、關心佢。」當她憶述媽媽的意外經過時更一度眼紅紅：「媽咪左腳骨折，斷咗三條骨，嗰日佢差一步就到銀行，架車突然剷上嚟，佢昏迷咗一分鐘，開頭佢唔知自己畀車撞，以為有嘢跌落嚟。」

眼淚一發不可收拾

Rainky愈講愈激動，當提到母親大呻周身骨痛時，淚水終一發不可收拾，當場爆喊，要同事遞上紙巾，她說：「八月媽咪會做第二次手術，拎番螺絲出嚟，佢話隻腳痛過生仔。」她又表示已請定八月的假期，陪母親渡過難關，並大讚剛畢業的弟弟相當生性，有意投考公務員。

新歌寄語珍惜家人

此外，Rainky透露新歌MV將以飛蛾為主題，因外公、外婆及祖母近年先後過世，令她傷心不已，希望在歌中帶出珍惜親情的訊息：「MV感覺會黑暗啲，我都會做隻飛蛾，希望大家關心多啲屋企人。」