孝順女黃美棋早前自掏腰包請父母旅遊，期間沉迷練習朋友提出的高難度任務—「吹起麥提莎」，令父母大感無奈！花盡心思的美棋最後在北投浸溫泉時，成功挑戰維持6秒，並拍片存證。談到失敗經驗，她笑說：「有時都會NG，粒麥提莎會骾喉，仲會跌番落嚟打中塊面！台灣唔係度度有麥提莎，玩到跌落地都要執番上嚟繼續練。」

遊台期間，美棋BB去到邊都練習吹「莎」，總算Mission Complete！

美棋BB瞌埋眼浸溫泉，乘機Relax一下。

美棋又自爆遊台時被騙：「畀人呃秤！幾粒番石榴用咗3位數！」談到對台灣男士的印象，美棋即大讚溫柔，問到能否接受異地戀？她說：「OK呀！1、2個鐘飛機就見到。（今次有艷遇？）冇呀！但遇到個『台灣余文樂』，我話佢似余文樂，高高大大咁，佢聽到就畀咗個五折我！」