藝人陳慧珊、張致恒（Steven）與落選港姐簡淑兒（Jessica），昨日為新劇《波士早晨》於泳池拍外景，劇情講述不諳水性的Steven為Jessica執拾掉到池中的公仔，但卻遇溺，要由現實生活中不懂游泳的Jessica落水相救，並做人工呼吸。提到Steven好艷福，他說：「艷乜鬼嘢福呀！我都唔知幾凍，個身震晒！拍呢場戲我都有同女友（莊端兒）備案，佢睇晒劇本，我叫佢唔好怪我，我拍時會盡量唔郁。」

有濕身的Jessica做人工呼吸，Steven幾凍都抵番啦！

陳慧珊

張致恒

問到女友是否很嚴？他說：「唔係，都係想另一半安心，畀番信心佢。」Steven又指戲中有場女朋友被追而打交的戲份，而且爆晒樽令手部受傷，問現實中遇到相同情況會否出手？他說：「唔會，但會唔開心，一日未結婚，都唔可以阻人追佢，如果結咗婚，我就真係出手喇！」而陳慧珊則笑着表示不做訪問。