現身處韓國的歌手鄧穎芝接受電話訪問，問到前男友林師傑跟緋聞女友歐陽巧瑩到酒店蜜會，她笑說：「畀人影過好多次啦！我都講『若要人不知唔好太低B』。（做藝人要行為檢點？）做藝人或做新人，不如畀心機做嘢啦！唔好搞咁多負面新聞。」而曾與林師傑傳緋聞的何雁詩獲悉對方「斷正」時在電話中反問：「唔係啩？大家都有屋企。」自言跟歐陽巧瑩是好朋友的她擔心新聞會影響二人星途，問到可會向歐陽巧瑩了解？她說：「佢想講自己會講，我唔做『八婆』o架！」而與林師傑同是「巨聲幫」出身的吳業坤則力撐好友：「藝人有自己私人生活都好正常啫！」

鄧穎芝表示雖然林師傑的事已跟她無關，但仍祝前度前程似錦。

而林師傑早前曾表示因怕唱片公司「雪藏」而不認戀情，記者致電其唱片公司CEO何哲圖，他表示只是林師傑過慮，公司不會干涉藝人私生活，問到可會就蜜會一事「召見」林師傑？他說：「我諗佢哋係朋友啫！兩個都未結婚，正常交往冇問題，公司會繼續幫佢做歌，對佢工作冇影響。」