由蒙面於街頭唱歌到公開真面目示人，歌手龍小菌入行以來不時面對負面新聞，日前被《好報》踢爆其經理人兼緋聞男友邵子風原來與藝員蝦頭拍拖後，她即否認是輸家，更自稱單身已久，現時冇愛情滋潤，索性寄情學業，自爆有意修讀博士學位做「龍博士」！

龍小菌

歌手龍小菌進修中文、想學畫畫，甚至雕刻，偏偏無意進修音樂。

龍小菌（左起）、邵子風及蝦頭的「三角關係」，近日成為新聞話題。

「蒙面歌手龍小菌」曾經成為潮流熱話。

歌手龍小菌早年因蒙面在街頭唱歌而為人認識，轉眼已入行第三個年頭，雖然期間面對不少負面新聞，但小菌仍堅持唱自己的歌。前年她因健康問題及為了一名帶助聽器的歌迷，終於向大眾公開真面目，她坦言現已習慣以真面目示人：「其實都習慣咗，依家方便好多，好多粉絲會成日等我做完活動，同我傾偈，有時我哋仲會一齊聚會。」

體重翻脹！苟芸慧靚過我

除下面罩，小菌被網友讚似女神苟芸慧，但同時有不少反對聲音，小菌坦言只會努力做好自己：「唔緊要，點都會有人去攻擊你，自己做到問心無愧就已經足夠，唔想去解釋得太多。」曾經體重逾200磅的她，近日與同是歌手的鄭欣宜推出新歌，唱出肥人心聲，小菌有感而發：「肥瘦真係唔係重點，自從欣宜出咗呢首歌之後，我放鬆咗好多，依家都係專注唱歌同畫畫，比起最瘦時期，依家重咗10磅，但識得着衫遮住。（覺唔覺自己似苟芸慧？）佢靚過我好多。」

曾擔任中文老師的小菌，透露現時正報讀教育碩士課程，尚有一年便畢業，但她計劃繼續進修，希望讀博士課程：「仲有三個學期就畢業，如果可以嘅話，自己都好想讀埋個博士學位，因為真係好鍾意中文，如果可以，我讀到死都冇問題！」

收入減少？三餐OK

一分耕耘一分收穫，專注學習的小菌近期曝光機會相對減少，她說：「我個碩士課程其實都係Part Time讀，不過都要時間去寫文，所以都有同經理人講，叫佢幫我分配好時間。（咁咪減少收入？）咁我三餐都OK，我份人好容易滿足，買少啲衫咪得囉！」

正所謂「學海無涯」，小菌除了修讀中文外，更打算修讀有關藝術的課程，但作為歌手，她卻表示暫時未有打算進修音樂課程：「有諗過讀藝術方面嘅嘢，好似畫畫同埋雕刻。（音樂呢？）咁我又冇諗過，如果依家先去學，又好似冇乜根底，年紀又有啲老，不過有機會都想學嘅。」

回復單身擇偶要求　

講到小菌的感情生活，必定想起她與經理人邵子風的緋聞，二人緋聞傳足多年，直至近日《好報》踢爆邵子風與藝員蝦頭（楊詩敏）拍拖，小菌為免得觸景傷情，更敗走到台灣療傷，她說：「我依家單身，冇拍拖好耐啦！（成日都傳你同邵子風？）係囉！都唔知點解傳嚟傳去都係得佢！其實我份人冇乜特別，隨緣啦！（你咁高會唔會要求另一半都要高過你？）高過自己梗係要啦！我媽媽都鍾意我另一半高過自己，其實最緊要係識欣賞我，欣賞我唱歌就足夠。」