緋聞多多的李思捷最近被指搭上黃心穎，他昨日出席母親的新書發布會時坦承帶過「女友」心穎返屋企食飯，但思捷媽卻踢爆不認識對方，取笑兒子多女埋身。

黃心穎被李思捷爆見過家長，可惜只換來伯母一句「唔認識」！

思捷媽媽笑兒子緋聞多多，但不急於飲新抱茶。

伯母出新書咁高興，思捷不少圈中好友撐場賀一賀佢！

（左起）王君馨、吳君祥、江美儀

近日與黃心穎傳緋聞的李思捷，昨日出席母親馮筱儀的烹飪書發布會，獲好友王君馨、阮兆祥及曹永廉等撐場。思捷甫現身即風騷滿場飛，還表示將自己的所有送給媽咪做禮物，又笑言新抱都可以送：「每個女仔都要尊重，當然都要尊重我媽咪。（帶過女友見媽咪？）冇，Official（官方）嘅先會帶！」不過，他隨即坦承曾帶緋聞女友黃心穎回家食飯，問到女方有否讚伯母手勢好？思捷笑說：「就算佢覺得唔好食，佢都要話好食啦！做戲要做全套。」

知仔忙冇催婚

不過，思捷媽咪卻「反高潮」，指兒子未帶過女友回家食飯，又聲稱與心穎不認識。問到是否心急飲新抱茶？她說：「佢咁大個仔自己知道自己嘅需要，加上佢依家咁忙。（對心穎印象如何？）今日唔關佢事喎！係講我本書。」李媽媽又嘲笑思捷緋聞多多，包括胡杏兒、江美儀及萬綺雯等，至於「春卷」王宝宝呢？她即打趣說：「呢個過咗氣好耐啦！」

江美儀緋聞

另外，偕男友吳君祥到場的江美儀玩埋一份，笑言曾到過思捷屋企食飯：「你哋傳吓我同思捷啦！唔好淨係講黃心穎。」