歌手何雁詩（Stephanie）與陳瀅（Jeannie）、劉佩玥（Moon）和陳凱琳（Grace）自拍完《四個女仔三個BAR》後即成為好友，但為何四個女仔只有兩個睇戲？身在法國的Stephanie指因她和Grace也不在港，可能回港後再和Grace約睇戲，提到Jeannie超級大頭蝦，Stephanie笑說：「所以我哋咪夾囉！大家都係咁上下，我喺法國旅行時仲大頭蝦到跌咗部電話落湖，搞咗十分鐘，有個法國人好好咁除衫跳落湖幫我執。」

Stephanie大晒食正宗法國餐的照片，睇到人流晒口水！

而Grace則忙於為新劇《殭》開工，日前更飛到荷蘭拍外景。Grace與劇中的家姐兼女神謝安琪有不少對手戲，故不時孖實合照，在當地逗留逾十日的她，亦不忘遊山玩水，非常盡興！