吳綺莉與女兒卓林近日因為「飲啤酒及做功課」問題發生摩擦，卓林再度「離家出走」與吳綺莉失聯絡，不過她昨日相約數位外籍友人往南丫島遊玩，又燒玻璃又食海鮮，更將旅行相上載到網上，似乎已忘懷不快家事！身為母親的吳綺莉得悉卓林「現身」，無奈回應：「我冇上網，所以冇留意，同普通家長感受一樣，覺得小朋友大個咗控制唔到，不過最緊要係做功課同讀書囉！總之交畀社署，我17歲嗰年都做咗啲嘢屋企人唔鍾意，要慢慢教囉！」

吳綺莉覺得女兒大個控制唔到，甚感無奈。

謝偉俊不收分毫幫好友吳綺莉。

這兩天不用開工的吳綺莉昨午獨自駕車離開大埔寓所，前往鹿頸用膳，期間只在茶座逗留約20分鐘醫肚，然後折返家中。她接受記者訪問時透露後天會跟社會福利署開會，屆時卓林學校亦會派員出席，她又指近日消瘦不少：「呢兩日會休息吓。」問到邀得謝偉俊律師出手相助，她說：「個個朋友都幫我做咗好多嘢。」而謝偉俊昨日現身節目錄影，對傳媒追問有關卓林的事，他不欲多言，只表示今次是以朋友身份幫手，故沒有收取酬金：「總之我係幫吳綺莉嘅麻煩事，同警方協助調查嘅工作。」