性感女星陳靜（DaDa）師妹郭穎兒（Celia.K）能夠於眾多模特兒之中突圍而出，當然有其獨門保養心得！因為工作關係，Celia經常為拍戲及出席活動而化妝，她表示除進行一般護膚程序外，不管再累也好亦會徹底卸妝：「我會先將眼妝卸乾淨，然後以卸妝油全面卸妝，再用潔膚產品，因為如果臉上殘留化妝品，好容易生粉刺，之後護膚效果亦都冇咁好。」

郭穎兒因工作關係經常化妝，惟有日日敷Mask保持靚樣。

皮膚白滑的郭穎兒就算再忙，卸妝亦絕不偷懶！

勤力的Celia更透露每日都有敷面膜的習慣：「我日日都有敷Mask，而且會因應季節轉換產品，冬天用比較滋潤啲，而夏天則用清爽型啲，有時候會配合導入機一齊用，吸收得比較好，確保護膚品一滴都不浪費嘛！」雖然保養工夫做到足要花上更多時間，但觀乎Celia妝前妝後都咁省鏡，就知道一切都是值得的！