黃秋生和張敬軒等昨晚出席《2014香港藝術發展獎》頒獎禮，導演林超賢獲頒年度藝術家獎（電影）惹爭議，秋生卻認為賽果合理，問到會否擔心影響認受性？他說：「唔通幾個人唔贊成就冇認受性？咩係認受性先？認受性係取決於頒獎者同得獎者嘅啫，如果要全部人認受係一件好霸道嘅事！」軒仔則認為藝發局有自己的立場，像樂壇頒獎禮一樣會有自己的取向和模式。

陳嘉上（左）頒獎給林超賢。

秋生指要全部人認同頒獎是霸道行為。

導演陳嘉上頒獎給林超賢，他自稱是林超賢師傅，又稱在場的徐克是他師傅，陳嘉上對徐克說：「我冇嘢叻過你，但我徒弟叻過你個徒弟。」林超賢表示為尊重大會及藝術而出席，他感謝陳嘉上這位老師，給他很多機會實踐：「做副導演都係希望有導演畀機會自己，冇諗到咁快有機會，雖然壓力大，但可以好快令自己成長，呢個榮譽係歸團隊。」