謝婷婷、徐濠縈和陳曉東昨曰出席品牌誕生的慶祝派對，早前被本報拍得與六呎猛男約會的婷婷死撐沒有新戀情出現：「佢係我加拿大識嘅同學，佢同老婆生咗個女，我係佢個女嘅契媽。（上次送咩禮物畀佢？）BB鞋，去佢屋企係探BB，我仲有幫BB沖涼同講故事佢聽。（你識幫BB沖？）識，仲好鍾意。」

婷婷表示現時沒有追求者，但十分享受單身生活。

阿徐透露有意備戰三項鐵人賽。

婷婷又稱現時沒有追求者：「我個同學上次仲話介紹男仔畀我識，我話唔使啦，我依家好享受單身，因為對上嘅戀情Share咗好多時間。」

阿徐則表示希望可三代同堂慶祝母親節，現有意練習踏單車，準備參加三項鐵人賽：「但諗緊究竟生B定參賽先。（有計劃再生？）諗緊，都講咗兩年啦！」另外東東透露懷有第二名B女的太太預產期在8月底，暫未想好中英文名，乳名是「羊羊」。