日本男星中村雅俊憑70年代日劇《前程錦繡》走紅，所唱的同名主題曲被羅文翻唱成廣東話版，成為經典歌曲。近期首度在亞洲推出精選碟的他接受本報訪問時透露，《前》曲的誕生甚有淵源：「讀書嗰陣好鍾意一套電影，音樂係名唱作人小椋佳負責，出道後一直想同佢合作，直至拍《前程錦繡》嗰陣，我拜託監製幫忙穿針引線下圓夢，造就咗呢首名曲誕生。」中村的家鄉宮城縣女川町於311地震中成重災區，災後他曾於2011年來港出席賑災騷，與郭富城合唱《前程錦繡》，為廣東話歌詞夠勵志感高興。
