趙茜自爆一杯即醉

曾拍荷里活大片《變形金剛：殲滅世紀》的內地女星趙茜，日前出席香檳晚宴時，向《東網電視》自爆酒量差：「飲一杯就醉，飲醉酒時仲會不停笑，啲人以為我有病，哈哈。」問到可有試過被人逼飲酒時，她更大爆：「試過一次喺內地出席活動，啲人以為我好飲得，經理人已經幫我擋駕，最後都被迫飲咗一杯先走得，點知十分鐘就醉咗。」不過進身荷里活的她笑言，在當地拍戲時沒有同類經驗：「遇見嘅外國人都好識尊重人，未曾試過。」