nowTV主持楊柳青近日為主持的時裝節目進行拍攝，向學生分享穿衣之道，熱愛演藝工作的她早前在內地參演電影及真人騷，並希望全力向電影圈進發！

Wiyona擔任模特兒多年，希望可以拍戲戰影圈。

Wiyona主持真人騷，更從參賽的學生中找到自己的影子。

鍾情Fashion的楊柳青（Wiyona）主持的比賽真人騷《Fashion Seoul大激戰》大受歡迎，早前她到理工大學為節目第二集進行拍攝，看到學生拍攝時遇到困難，讓她回想起以往的自己：「班學生Present（表達）時好有自信，但當去到東大門入貨，發現冇佢哋想要嘅嘢就騰晒雞唔知點算，見到佢哋就諗番以前一個人去韓國入貨，都係撞板多過食飯，又唔識求救，令我發現原來經歷咗好多，由咩都唔識到依家連老闆都做埋。」

登陸拍新戲

現年27歲的Wiyona做模特兒入行，她笑言怕被人叫「老模」，希望可以轉型拍戲，提到最近的工作，她說：「之前喺內地客串咗套戲，又參加咗個關於相睇嘅真人騷，亦會去多啲唔同電影公司同製作公司Casting，等多啲人認識我。」

擇偶重性格

她本想透過拍真人騷脫離單身行列，怎料失望而回，提到擇偶條件，相信一見鍾情的她說：「我唔介意男仔鍾唔鍾意Fashion，但要識着衫，可以睇到佢嘅修養，性格都好緊要，希望佢同我嘅屋企人同朋友會好易相處嘅。」