nowTV主辦的《中國好聲音》第四季香港區招募賽，找來了第三季的人氣學員陳樂基（Rocky）擔任導師，而進身20強的馬嘉均及徐少強兒子徐偉棟亦加入了「Rocky隊」。問到曾是汪峰戰隊的Rocky可會過兩招給一眾師弟妹？他說：「汪峰有教過我哋按住自己，唔好去得咁盡，因為好多同學上到舞台都會爆發，其實去到七成就夠，始終歌有內容，要跟內容、配樂去唱。」

陳樂基教師弟妹比賽時不要「去得太盡」。

同為「Rocky隊」的馬嘉均（左）及徐偉棟（右）各有不同參賽壓力。

而馬嘉均坦言比賽壓力大，近日不斷日以繼夜練歌：「依家一有時間就練，但唔可以太夜，試過太夜畀鄰居投訴。」至於徐偉棟表示做星二代存在無形壓力：「人哋會多咗重有色眼鏡，其實我戴咗有色眼鏡睇自己。（爸爸鍾意唱歌？）佢成日唱兩嘴，有幾首飲歌，都有啲深情歌。」