面對新一季《中國好聲音》的香港區選手，Robynn & Kendy不但沒有擺師姐款，更大方分享當初比賽的點滴。而喜愛以音樂會友的她們提到近日與林奕匡合作即非常興奮，認為香港樂壇需要多點融洽和交流，才能創作出更多好音樂！

R&K認為與一眾愛音樂之人奮鬥是一件很感動的事。

榮升「師姐」的Robynn大方分享比賽點滴。

R&K大讚隊員表現出色，希望他們能為港爭光。

唱作女子組合Robynn & Kendy（R&K）自參加內地大型歌唱比賽《中國好聲音》第三季後人氣急升，早前nowTV為第四季好聲音舉行香港區選拔賽，身為師姐的她們獲邀帶領其中五個單位一起Jam歌和交流音樂心得：「好開心可以將上年學到嘅嘢同佢哋分享，初初會覺得我哋點可以教人呢？但見到咁多人一齊為咗音樂去奮鬥，都好感動到我哋，而我哋都學到好多嘢！」

大讚隊員出色

而眾人在短時間內已打成一片，R&K認為全因為大家都熱愛音樂：「一有音樂喺度就好容易混熟，同埋我哋嘅心態就係大家都係朋友，唔會話覺得自己係師姐！」她們又大讚自己的隊員出色，希望他們能夠為香港爭光，讓內地觀眾對香港音樂認識更深。

孖林奕匡Jam歌興奮

另外，R&K的新歌《新一天》請來好友林奕匡（Phil）合唱，對於這次跨公司合作，她們深感難得：「我哋一齊作曲、諗編曲同諗MV，隻歌嘅主題係想帶出新一天，聽到新嘅音樂、見到新嘅事物都可以係一啲好趣怪得意嘅嘢！」她們一直很欣賞Phil的創作，而且大家性格都「鬼鬼哋」，所以非常投契：「創作嘅過程會有好多唔同嘅Idea走出嚟，點樣將佢哋炒埋一碟，當中又會有佢嘅好玩之處！同埋大家都係抱住無分你我，一齊做啲好音樂嘅心態去做，呢個樂壇應該要多啲咁樣嘅融洽！」