新進女子組合Honey Sis成員姚最兒（Jolly）及麥子柔（Ayau）攻入樂壇，她們說：「我哋舊年喺一個歌唱表演中認識，之後成班人去街頭表演，咁我同Ayau比較投契，所以決定組隊組合。」

Honey Sis以青春活潑為賣點。

Ayau坦言兩人是以青春活潑為賣點，又帶點韓風感覺：「我哋係感覺好似Twins咁，走校園可愛路線，但又想帶畀大家唱得又跳得嘅感覺。」作為跳唱組合，跳舞是最大元素，問到可有遇到困難？Jolly說：「本身我係跳舞員同教人跳舞，所以對我嚟講就冇。但Ayau唱開抒情歌，唔係好識跳舞，有時我都會同佢練習多啲。（分工？）Ayau平時寫開嘢，所以填詞就交畀佢，咁排舞方面就由我負責。」