曾參選中國小姐的藝人柯嘉琪（Kiko）將推出寫真集，為以最弗狀態示人，近日積極打War Game鍛煉體能及收身。不過在炎熱天氣下，需以全副裝備上陣的Kiko可謂有苦自己知，全身包到實兼密不透風，令她落場未夠三分鐘已大汗疊細汗！

柯嘉琪

柯嘉琪全副裝備，趴地打War Game。

雖然夏日熱辣辣，惟身形纖瘦的Kiko大呼好玩：「我覺得War Game好好玩，雖然要趴泥地、爬紅磚，又掂蜘蛛網，但我鍾意喺戰場上好刺激嘅感覺，同埋與隊友之間嘅團隊精神！順便可以鍛煉毅力同意志，咁樣踎吓跑吓出番身汗，可以幫我提升個人潛能。」意志堅定的她更謂即使玩到雙腳痠軟仍會繼續下去，絕不輕言放棄！