歌手陳慧敏參加歌唱比賽後靜候機會三年，至簽約現時的公司開始彈出，她笑言這是有趣經歷，更稱希望可以透過音樂傳播正能量！

曾經歷過迷惘和辛酸的陳慧敏，在挫折中成長。

陳慧敏

陳慧敏希望透過音樂發放正能量！

出身「巨聲幫」的歌手陳慧敏，2010年參加無綫《超級巨聲2》而為人熟悉，不過三年後才正式出道。甜美活潑的慧敏曾經歷過等待機會的迷惘和辛酸，不過她仍以正面態度看待：「我會自動Delete經過咗嘅難關，過咗我會將佢當成係一啲得意嘅嘢，如果冇呢啲回憶可能冇咁爽。如果真係挫折嘅話，就係之前對前路嘅迷惘，唔知自己係咪真係做得到！呢個困難嘅經歷，回望番會發現自己因為咁成長咗。」

病到郁唔到

隻身從澳門來港發展的慧敏，平日起居生活要自食其力：「冇乜特別大嘅困難，最大可能係交租，我試過病到郁唔到，最後自己碌起身睇醫生，又要自己落街買嘢食，好多呢啲得意嘢，睇吓你點睇。」

自己創作新歌

簽約太陽娛樂後機會不斷，慧敏今年會出第二隻個人EP：「好多歌都係自己創作，啱啱出咗《小人物》都係自己創作，呢首歌畀咗好多力量我，因為呢首歌我訪問咗好多喺香港寂寂無聞但係都有能力為社會貢獻嘅人！做歌手都希望透過音樂將能量帶畀大家！」她又呼籲大家不要看小自己的力量，認為只要信念堅定最終會衝破困難！