入行30年的陶大宇，為有線新節目「處男下廚」，化身廚神並自爆蒸魚最「巧手」，變身住家廚神的他日前拍節目片頭，與拍檔主持劉明軒和王曉君一見如故，型爆的大宇被網民讚似「007」。

被指似007的大宇和劉明軒（左）及王曉君拍片頭。

煮完美食的大宇舉V慶祝。

大宇炮製美食功架十足。

演過不少警察、娛樂大亨和商家等角色的陶大宇，其「煮食男」形象可說相當新鮮，今次他在有線新節目《我愛煮食男》中大宴親朋，除「處男下廚」親自煮多款美味餸菜來答謝出席好友外，還大爆其實都有很多「巧手小菜」：「唔好睇我平日做慣警察好強悍，其實我都好有住家Feel，自己煮飯食之餘更會煮埋畀屋企人食，（邊樣餸最拿手？）蒸魚啦！因為好講求火候，連我屋企個工人都要跟我學嘢！」

一見如故

日前大宇為節目拍攝片頭，首次與主持劉明軒和王曉君合作，三人一見如故，不停交流飲食心得，令原本有陌生感覺的大宇即時Warm　Up：「佢哋好好傾，令到現場氣氛好好，我仲見識到被喻為魔鬼導演嘅新穎拍攝手法。」而穿禮服拍攝的大宇被網民讚激似「007」。

碌盡人情卡

節目將於下月播出，最近忙於開工的大宇表示樂在其中：「拍戲咁多年，未喺鏡頭前睇過自己煮嘢食個樣，第一次參與呢類節目，好有新鮮感，好期待！」今次大宇碌盡人情卡，邀得不少昔日合作過的演員朋友撐場，包括無綫劇《壹號皇庭》的宣萱、蘇永康和劉美娟，以及《刑事偵緝檔案》的梁榮忠與陳法蓉等，一眾嘉賓知道有機會品嘗大宇的手勢，都二話不說要舉手出席，令到大宇相當窩心。