前港姐劉佩玥（Moon）憑無綫劇《四個女仔三個BAR》人氣急升，與同劇的陳瀅、何雁詩和陳凱琳齊齊升呢「宅男女神」，Moon笑言四人都覺得好有趣：「因為我哋嘅風格都唔同，但各花入各眼，每個人欣賞我哋嘅地方都唔同。」正忙於趕拍新劇《殭》的她們，早前買蛋糕為謝安琪慶生辰，一班好姊妹感情深厚。對於獲網友封為「女神」，Moon坦言受寵若驚：「女神應該係安妮希芙威（Anne Hathaway）、趙雅芝、鍾楚紅、舒淇咁靚，依家畀人覺得係『女神』都好開心，但有啲怕醜。」談到無綫高層曾勵珍點名稱讚及力捧，Moon感激公司給予機會：「每次都好畀心機、努力，盡力做好每個工作，呢個消息對我嚟講係個推動力，令我有原動力做得更加好，好多謝珍姐，咁講係一個好好嘅鼓勵，令我以後做得更好。」

Moon憑《四》劇人氣急升，吸納不少粉絲。

Moon與賴蔚玲（後排左起）、陳瀅、陳凱琳、何雁詩及陳嘉寶，為謝安琪慶生辰。