洪永城（Tony）最近頻頻亮相無綫劇集，除剛播畢的《天眼》外，在《張保仔》中更擔正男一，成功從旅遊節目主持轉型做演員，演技更深得前輩讚賞。另一方面，Tony又做了「BB殺手」，挑戰網民極限夥拍多名網絡女神，他笑言擔心被網民惡搞。

洪永城

Tony在《天眼》中與高海寧合作，大演對手戲。

Tony的演技獲前輩讚賞，上位在望。

洪永城自主持旅遊節目後開始深得觀眾歡心，最近撈過界為無綫拍劇，先有剛播完的《天眼》，而在剛煞科的《張保仔》中更擔正男一，Tony亦自覺演技有進步：「有啲前輩都話我依家演得好自然，睇得好舒服。」而Tony最想感謝的，正是多次合作的老友陳展鵬，他笑言不時被指斷背：「佢試過嚟我屋企睇戲，一齊分析電影，佢係比較藝術性啲嘅，《天》劇入面佢都係好有設計性，我哋會一齊討論，可以話係第一個講我知究竟拍攝係咩一回事。」

承諾悉心照顧

其實Tony的演藝路上可謂艷福不淺，自「走過」系列旅遊節目開始就與黃翠如成為螢幕情侶，惟翠如BB與蕭正楠的戀情公開後，Tony重踏「獵B」之路，先在《天眼》向高海寧BB集郵，繼而在《張保仔》與陳凱琳BB合作，而在拍攝中的《波士早晨》再夥拍「零死角女神」李佳芯BB，對於一再挑戰網絡女神，Tony甚為擔心，並向網民道歉：「會唔會真係惡搞我？既然係咁，冇辦法，各位網民唔使擔心，我會好好照顧佢哋喇！」

情歸唐詩詠

雖然Tony工作上艷福無邊，不過他早前已公開承認情歸唐詩詠，又指拍攝無綫劇《載得有情人》時已對她暗生情愫，問到是否情侶關係？他沒有否認：「我只可以話進展得唔錯，現階段對大家都幾舒服。（視為終身對象？）嘩！呢個唔敢答喎！邊有咁快呀？（對感情認真？）當然會好認真啦！」