歌手鄭俊弘（Fred）昨午出席科技品牌活動時透露，正錄製第二隻個人CD，並於9月推出。Fred表示將赴韓國釜山拍攝旅遊節目，逗留一星期：「我未去過釜山，所以事前都喺網上搜集資料，有空檔時間會以食為主。（怕唔怕食肥？）盡量每日做運動，喺每日開工前做運動。」另外，Fred坦言沒有買股票：「我將啲錢交畀媽咪，儲住錢先。但有睇到新聞講『丁蟹效應』，睇番《大時代》片段，我好掛住套戲，細細個就睇過，青雲又贏咗影帝，所以好感觸。」

將赴釜山拍攝旅遊節目的鄭俊弘不怕食肥，因會堅持每日做運動。