成龍近日接受《好報》獨家專訪時表示相信「小龍女」卓林不會要他的身家，涉嫌虐女的吳綺莉昨日坦言要先處理自己的家事。對於卓林報警，她坦言有少少嬲，現在會逼女兒與她傾偈，免重蹈覆轍：「接受唔到第二次！我頂唔住！」

吳綺莉昨日如常到電台主持節目，坦言現階段要先處理自己的家事。

吳綺莉現在會逼女兒卓林與她傾偈，以免重蹈覆轍。

成龍早前受訪時表示相信「小龍女」卓林不會要他的身家。

捲入虐女風波的藝人吳綺莉，女兒吳卓林早前已回家居住，母女生活回復正常。對於成龍近日接受《好報》獨家專訪時表示相信卓林不會要他的身家，吳綺莉昨日主持電台節目後說：「我冇留意人哋啲新聞！搞掂自己屋企先！（畀唔畀成龍見卓林？）我冇睇新聞，唔關我事！我個女都就18歲，細路控制唔到，等於佢處理佢阿媽咁，你估我想唔想呀？我自己個女嘅嘢都未搞掂，成頭煙，見我笠住頂帽就知！（卓林有冇提起見爸爸？）冇提過，佢返嚟都係兩個星期！」

問到與卓林的關係，吳綺莉說：「始終佢係反叛期！（多咗時間陪佢？）我不嬲多時間陪佢，不過佢呢個年齡始終想同朋友傾偈，未必想同父母傾，但我會逼佢同我講。（驚唔驚有反效果？）咁因為佢之前話溝通少！」對於卓林報警一事，她說：「其實都有少少嬲，始終佢報警，搵警察搜我屋企，件事可以好嚴重！好彩佢阿媽怕死，我唔可以再畀件事發生！」

自爆飲少咗

她又表示卓林最大問題是自以為識諗：「我做幕前，對我好大影響！我唔係怪佢，依家要Learn from the lesson！我接受唔到第二次！我頂唔住！」而問到她有否聽話戒酒，她說：「飲少咗！但我唔會話冇飲。卓林係怕媽咪出事，因為佢有朋友舊年出咗事，佢係擔心我身體！我飲唔飲酒唔使同人交代，係為自己！」