昨日藝人陳豪、蔡思貝、羅仲謙、莊思敏及莊思明等為無綫劇集《潮流教主》試造型，扮演潮流教主的陳豪造型酷似「老佛爺」Karl Lagerfeld，他說：「多謝讚賞，套劇講Fashion ，自己都未試過咁嘅造型。（出動私伙？）唔使，公司花好多心機喺造型上，啲衫好似台慶咁。（感情線？）冇，好Dry！」有投資股票的陳豪說：「雖然升番啲，但我仲係大閘蟹，唔會放住，自己買股票係長線投資。」

陳豪的新劇造型，酷似「老佛爺」Karl Lagerfeld。

蔡思貝唔希望再同羅仲謙傳緋聞！

傳緋聞的蔡思貝與羅仲謙再演一對，問到可擔心再傳緋聞？思貝說：「希望唔好啦！大家都睇到悶啦！我哋當然覺得悶，仲以為講緊上年啲新聞。」羅仲謙被問到可要向女友楊怡備案？他說：「唔使，傳聞、緋聞當宣傳，啲緋聞都舊啦！（諗住買樓？）有諗過，但係運氣麻麻抽唔到。」莊思敏與莊思明兩姊妹首次一齊拍劇，思明笑說：「家姐講如果合作拍劇，佢想喺戲入面大巴摑我！」