《金像獎》前晚曲終人散，但外界對當晚司儀陳小春及林家棟的表現批評如潮！有網民指小春說話口齒不清及疑似爆粗，他昨日出席活動時解釋：「搵得我嚟都知道我係點！如果搵口齒伶俐，好多人可以做。林家棟叫我嚟，做得好開心嘅，至於負面、正面都唔理會。（介意？）唔睇就冇囉！（台上爆粗？）點會！台上點會講呀！」問到是否準備不足？小春指事前個多星期才知道做司儀，期間更要往返內地拍劇：「有時間都想再做，但一定要準備得好啲。」

與林家棟（右）擔任司儀的小春懶理口齒不清的批評，但否認爆粗。

至於有指林家棟揶揄電影在偏遠戲院上映及忘記新人張雪芹的名字是不尊重，大會主席陳嘉上表示一向強調有提名已經是一件不容易得到榮耀，又力撐家棟作為「義工」，於今次的司儀籌備中非常緊張及投入：「這工作本來就很難取悅所有人，現場有效果又可能被指不尊重，希望大家體諒。」林家棟則對此事不作回應。