另一大贏家王菀之（Ivana）連中兩元「最佳新演員」及「最佳女配角」，賽後即High爆連踩兩場 ，先會合吳君如及陳可辛等到尖沙咀慶功。君如自爆頒獎禮上戥Ivana緊張：「我不停咁問幾時頒新人同女配角，因為我一定要見證佢攞獎一刻，聽到係佢攞即刻鬆一口氣。」還透露會繼續找Ivana合作。

王菀之獲粉絲送上最愛的「四寶」，祝賀她連中兩元。

君如（左）得知王菀之有獎攞即鬆口氣，打算繼續與她合作。

其後，Ivana轉場出席公司慶功宴，現場有約20名粉絲送上最愛的「四寶」雞翼、魚蛋、香蕉及朱古力奶。她自爆已向家人及男友Eric So報喜，提到男友隔空恭賀，她說：「佢好開心同激動，有冇喺電話錫就唔話你哋知！唔使送嘢喇！本身佢喺韓國做展覽，我淨係想佢快啲返！」