懷有第二胎的混血名模Cara G.昨日出席活動時透露，預產期在今年7月底，選擇自然分娩，心情大好的她更即場大晒45吋巨肚，笑說：「大到好似籃球咁！」

腹大便便的Cara G.掀起衣服大晒45吋「籃球肚」。

Cara G.即場調製各款排毒果汁，派發給現場觀眾。

混血名模Cara G.昨日出席時裝品牌活動，懷有第二胎的她除與主持分享懷孕喜悅之外，一向注重健康的她更即場調製各款排毒果汁，派發給現場觀眾，並分享健康心得。

星座性格相沖

腹大便便的Cara透露預產期是今年7月底，選擇自然分娩，並指B女與妹妹星座同是獅子座：「雖然對於星座唔係太認識，但我妹妺都係獅子座，而我就係白羊座，兩個星座好似相沖咁，由細到大都不停鬧交！」問到B女性格會否與同屬獅子座的妹妹一樣強悍時，她說：「都有可能，但第一次佗India（大女）時佢好野蠻，會不停喺我個肚郁嚟郁去，成日用隻腳踢我，而今次B女就比較平靜。」

大女自動讓半房

問到大女India是否已意識到即將做家姐？她說：「問佢知唔知BB喺邊，佢會指住我個肚話喺入面，不過佢年紀仲咁細，今年只係得1歲幾，可能仲未了解到自己就做姐姐！（代India買份禮物畀B女？）佢已經讓咗半間房同玩具，其實有個妹妹陪伴係佢嘅禮物，雖然佢希望B女係男仔！」

對於懷孕中的周汶錡自爆腰圍僅得33吋，Cara即場掀起衣服晒巨肚，搞笑地說：「我冇特別度，但應該有45吋，大到好似籃球咁！」