呂慧儀（長腳蟹）昨日到深井擔任超市開幕嘉賓及星級店長，穿透視裝性感晒線的她不時俯身「倒奶」炮製美食，表現興奮！客串店長的她笑稱會負責收銀，又自爆為了兒子「蟹子」學精格價，其後又指囝囝早前連夜發高燒，忙於照顧的她大呻辛苦：「連續三日都燒成39度幾！我每瞓一、兩個鐘就同佢量體溫，辛苦過拍劇！」她與老公黃文迪都大為緊張：「我不停攞暖毛巾同佢抹身，抹到手都爛！（老公幫手？）佢要開工，但打追魂Call問我！」又笑指囝囝病愈後急速長高：「退燒後又長咗！（邊度？）成個人呀！BB床本身到佢腋下，依家到佢條腰！」問到何時帶囝囝亮相公開活動？她說：「希望快啲，佢都唔驚人！（你第日有時間拍劇？）可以試吓！」

穿透視裝的呂慧儀俯身下廚，非常性感！