藝人黃翠如昨日以嘉賓身份出席壽星仔吳業坤加盟星娛樂唱片公司的發布會，吳業坤表示感激樂易玲及一班朋友支持，雖然邀請夢中情人周秀娜出席，可惜對方不在港，但錄了片段恭賀。吳業坤又說希望對方做MV女主角，問到會否想有咀戲及床戲？他笑說：「我25歲，床戲未係年紀，仲係小朋友斯文嘅形象，等大個啲再將另一面發掘出嚟。」

吳業坤加盟唱片公司，「媒人」黃翠如撐場。

簽約時心情緊張的吳業坤除眼鏡抹汗。

至於黃翠如則表示加入無綫後第一個工作便是與吳業坤合作，得悉他唱歌有熱誠便推薦給加盟的唱片公司，問到會否引薦男友蕭正楠給唱片公司？她說：「佢識人多過我啦！我知佢鍾意做戲多啲，佢唱歌都好聽，想做咩我都會支持。(唱過情歌畀你聽？）我哋冇乜情歌喎！冇咁浪漫！」