杜汶澤昨日出席活動，談到其監製的電影《雛妓》女主角蔡卓妍（阿Sa）提名香港電影金像獎最佳女主角，他揚言有信心阿Sa封后：「愈近個靈感就更加強，恭喜定佢啦！（今年對手強？）對手強好過對手弱，當年我入圍都輸畀劉青雲，輸畀個咁強嘅，返屋企唔會畀人鬧，如果佢贏到就唔係好彩。大家都想佢拎，都肉赤拍得咁辛苦。」

阿澤有靈感阿Sa將奪得金像獎最佳女主角。