飽受喪外婆之痛的吳若希（Jinny），前晚到醫院探望炒單車重傷的母親，未知是否精神恍惚，當她駕車返家，開車門時不慎撞落石壆，令她心痛得大叫：「Oh My God！」並即時彎腰檢查車門有否凹陷。

Jinny開車門時撞石壆，即時俯身檢查車門有否凹陷。

Jinny到醫院探望母親。

安全抵家的Jinny，即上載日落相及留言指媽咪受傷後首次展露笑容：「見到她開心，我就開心。」又自我安慰：「明白婆婆過身已經是既定的事實，現在可以做的事情，就是更加珍惜所擁有的一切。」

Jinny昨日接受電台訪問，她說：「唔使擔心我，只要大家開心我就開心。」Jinny其後到醫院探母，她受訪時說：「同屋企人商量過，唔會同媽咪講婆婆已經唔喺度，怕刺激佢。」她指曾評估可以承受多大打擊：「刷牙流鼻血嗰陣喺度諗，假設醫生話我有癌症，覺得唔係咁難接受。」

Jinny探完母親後大讚母親識做很多手勢，她說：「佢依家仲插緊尿袋，等佢食到嘢同吞到嘢就可以轉去復康中心做治療喇！」