薛凱琪（Fiona）、林欣彤（Mag）及陳瀅昨日一起出席活動，穿低胸吊帶裙最性感的Mag，罕有地露出三吋事業線，成功搶Fiona和陳瀅「峰」頭，Mag笑言今次是她最Deep的一次。

Mag不介意健康的性感，但表示今次已是底線。

Mag（右）大騷三吋事業線搶Fiona「峰」頭。

密實女神陳瀅

林欣彤昨日罕有地以性感低胸吊帶裙出席品牌活動，大騷三吋事業線，搶盡「峰」頭。同場的Fiona雖然亦露出少許胸口，但纖瘦的她卻沒有睇頭，而新進女神陳瀅則最密實。

露背OK透視打底

問到Mag是否轉行性感，她說：「唔係呀！條裙係大會安排，我尋日知，好多謝佢咁睇得起小女子身材。（你不負眾望。）多謝，健康咪得囉！應該大方。（係最性感一次出席活動？）我諗係，係最Deep一次。（底線？）差唔多啦！仲有咩底線？Reach喇！（大露背得唔得？）大露背OK，透視就要睇吓透咩，要打番個底。」

Fiona則表示喜歡買袋，但接受不到男仔幫女仔拿袋，她說：「試過有男朋友想幫我拎個袋，我即刻搶番，個袋係我買襯自己，一都唔襯佢，同埋會搞到我好似公主咁。」

醫生叫抖三個月

她又透露聲帶出問題：「之前我唱開一日六個鐘，依家唱半個鐘已經聲沙，睇醫生，話我聲帶有好多問題，條聲帶扭曲，正常偏白色我就紅色，又一長一短，仲有胃酸倒流去個發聲位，我用聲過度，疲勞過度。醫生話最好抖三個月，但係冇可能。我決定戒講，都難，自己本身鍾意講，會盡量講少同笑少。（身體咁多問題，叫Paco搵人睇風水？）我覺得係風水太好，所以太多做先會聲帶疲勞，我會食一個月藥減少胃酸倒流。」