憑電影《竊聽風雲3》角逐金像獎「最佳男配角」的方中信，面對強敵王寶強、林雪、吳孟達及同片的曾江，他表示擁有多個提名狀已很滿足，更大讚曾江氣場勁、演技冇得頂，又笑言現時追求搵奶粉錢更重要。

曾奪影帝的方中信笑言，不介意「降呢」角逐男配角。

方中信強今時今日不會刻意追求獎項，認為搵奶粉錢要緊。

曾江在《竊聽風雲3》的演技，方中信大讚冇得頂。

王寶強在《一個人的武林》中表現出色。

方中信憑電影《竊聽風雲3》入圍今屆電影金像獎「最佳男配角」，飾演土豪的他以「冬菇頭」加圍村話，令觀眾留下深刻印象。曾於華語電影傳媒大獎勇奪影帝的他，笑言不介意「降呢」角逐男配角，皆因已先後四度提名：「好開心，係冇拎過獎，但屋企多個提名狀掛喺度都滿足，都希望喺香港可以拎番次。（信心？）冇話大唔大，睇番部戲都幾鍾意，滿意囉！」

曾江渾身是戲

談到對手如王寶強、林雪及吳孟達，方中信未完全欣賞其餘提名作品，但對自己有份入圍五強已感高興。至於同片的曾江也有份爭男配角，他大讚曾江演技冇得頂：「一行出嚟唔使做戲都壓到台，氣場好恐怖，好有感覺，啲戲好出，我甘拜下風。點鬥？由佢做粵語長片睇到依家，你話有幾勁啦！」

搵奶粉錢至上

五十二歲的方中信強調，時至今日已不會刻意追求獎項，反而認為追求搵奶粉錢更重要。提到早年為愛女放棄買跑車的興趣，如今女兒日漸長大，他笑稱終於可以重出江湖：「呢幾年做嘢好辛苦，唔想虧待自己，咩都益晒個女，係時候買嘢獎勵自己。（再生？）50幾歲再生？痔瘡都生唔切啦！」對於影帝、影后的心水，他睇好劉青雲及湯唯。