緋聞男女鄭嘉穎與陳凱琳出發到荷蘭拍外景，嘉穎避忌之時，女神陳凱琳卻戀愛大過天！提到發展「父女戀」，她說：「最緊要舒服同夾得埋！」身為基督徒的她仍是處女，嘉穎不諱言曾與陳嘉寶談論婚前性行為話題，認真細心！

陳凱琳明言出埠拍劇不會避忌，嘉穎則事先探討婚前性行為問題，似乎有決心繼續走下去！

陳凱琳

謝安琪Chok爆出發，唔講仲以為佢行緊Catwalk！

一眾《殭》劇演員出發到荷蘭拍外景。

鄭嘉穎、謝安琪、陳凱琳（Grace）、陳山聰及黃又南等無綫電視劇《殭》的演員，昨日齊齊出發到荷蘭拍外景。早前被《好報》踢爆撻着數個月的嘉穎及Grace一個避忌、一個大方，嘉穎起初拒絕與Grace合照，其後才與山聰和又南拍攝四人合照，但與「女友」各自企一邊，相當尷尬！

「父女戀」不成問題

問到在荷蘭會否與嘉穎較為避忌？Grace坦言不需要特別避忌，她又大談對「父女戀」一詞的看法：「呢個Term有啲古怪，身邊一直都有朋友同男朋友年紀差少少，呢樣嘢唔係好重要，兩個人嘅關係最緊要係舒服同夾得埋！年齡唔係咁重要，就算女仔大過男仔都冇乜嘢。（有冇再上嘉穎屋企借碟？）冇喇！」

謝安琪「走佬」唔安樂

至於嘉穎受訪時，否認因尷尬而拒絕跟Grace合照，但坦承曾與信奉基督教的陳嘉寶及男友談論婚前性行為：「大家傾起啲宗教問題，點解傾起呢樣嘢？早排有雜誌影到嘉寶同男友有關宗教嘅嘢，所以我哋就講起。我問佢男友點算？小弟非常尊重每個人嘅宗教信仰。」陳嘉寶透露確實曾談論此話題，並表示會與男友堅守原則。

同場的謝安琪自言對於離家18天感抱歉，幸而有老爺奶奶照顧兒子：「老公去咗上海拍《葉問3》，囝囝可能好開心，依家啲小朋友日理萬機。」