影后惠英紅兩奪香港金像獎「最佳女主角」，在即將舉行的《第三十四屆香港電影金像獎》中，她再憑實力入圍角逐「最佳女配角」獎項。談到對手鮑起靜，惠英紅說：「能夠同一位自己最鍾意嘅演員鮑起靜一齊競逐分外開心，根本唔使睇佢做邊部戲，總之佢一演出就唔會係低水準之作。」

惠英紅坦言與鮑起靜一齊競逐分外開心。

鮑起靜在片中演出入木三分。

從影至今奪獎無數的惠英紅，閒時細味獎項也會眼濕濕。

至於影壇新人王菀之，惠英紅說：「佢演得好放、好大膽，呢個後輩好勁，要讚吳君如畀個咁出嘅形象角色佢。」談到對手薛凱琪的演出，惠英紅讚她的文戲和感情掌握得很好，而郝蕾有個好角色兼好Sharp。

惠英紅從影至今奪獎無數，閒時家中亦會拿出獎項細味，她說：「做咗咁多年，有時望住啲獎都會眼濕濕鼻酸，覺得對得住自己個行業，面對自己人生都係一個成就，有光宗耀祖感覺。」她又表示不介意角逐配角：「一朵鮮花如果冇晒側邊啲葉係唔會靚，演員喺演藝生涯會有唔同崗位，要做到每個崗位都咁出色並唔係一件易事。」