從影十年的薛凱琪（Fiona）在電影《閨密》中，飾演一名豪放女，成功入圍金像獎「最佳女配角」。面對鮑起靜、惠英紅及王菀之等，她沒想過爭獎，甚至將自己一票投給鮑姐。

Fiona透露若然得獎會瘋狂開心，但若落敗亦不會失望。

Fiona（上）表示與陳意涵拍《閨密》時，飲酒壯膽。

王菀之在片中的演出令人忍俊不禁。

Fiona表示將自己一票投給鮑姐，大讚對方演技出色。

薛凱琪（Fiona）向來予人感覺乖女，早前終於在電影《閨密》豁出去扮演豪放女，並成功入圍今屆香港電影金像獎「最佳女配角」五強，面對鮑起靜、惠英紅（小紅姐）、王菀之（Ivana）及郝蕾等強敵，問到有否信心奪獎？Fiona說：「信心來自拍戲時畀足120%投入，結果就隨緣，作為藝人憑一個獎斷定嗰一年有冇努力過太殘忍，如果得到嘅話，唔代表其他入圍者唔值得拎呢個獎，所以唔想太多。」並謂得獎會瘋狂開心，即使沒有也不會失望。

讚Ivana好搞笑

提到小紅姐大讚她喊功一流，她興奮地感激對方欣賞，又認為小紅姐是個100%投入的演員：「如果佢同鮑姐是但一個拎獎我都好開心，我就冇Set定呢個係目標，亦冇諗過要爭，畀我嘅話相信我會喺後台暈低。」不過，Fiona卻未有投自己一票，反而投給戲味十足的鮑起靜：「投票要等人去投，唔係自己投自己，冇理由話自己最好，新演員就投Ivana。（叫佢唔好爭女配角？）都唔會，佢企出嚟已經好笑，好重搞笑天分，鮑姐就因為佢喺入圍作品入面好恐怖，好歇斯底里，同平時好慈祥分別好大，之前講笑話佢一係平時都演緊戲，一係啲戲好好，咁佢一定係後者。」

拍攝前飲酒壯膽

談到戲中對愛情很大膽，現實中，Fiona則沒有勇氣向心儀對象示愛，故惟有把勇氣放於角色上：「我唔會因為拍某啲戲改變本質，愛時喺電影盡情愛，今次係偏隨便，要不然就唔好接，好多人話做得好似，其實我每場都飲少少酒，拍完抽身出嚟好舒服，喺愛情路上我玩唔起。」

「最佳女配角」入圍名單

惠英紅《那夜凌晨，我坐上了旺角開往大埔的紅VAN》

王菀之《金雞SSS》

郝蕾《黃金時代》

薛凱琪《閨密》

鮑起靜《暴瘋語》