鄭健樂最近化身另類魔鬼教練，以美國海軍陸戰隊形式訓練學員，同時操肌兼練心肺，做到每個學員都「瞓低」。他坦言平日均以Bootcamp取代健身：「淨係玩健身，純粹係令到個身形靚。」

Rocky不忘於運動前拉筋，以免受傷。

Rocky先跳繩，再俯後撐，睇見都覺得攰！

Rocky認為Bootcamp不但可以操肌，更可以訓練心肺功能。

Rocky幫助學員完成各組動作。

前香港先生鄭健樂（Rocky）最近為香港機場管理局舉辦一個Bootcamp（美國海軍陸戰隊前訓練）課程，化身教練開班授徒，推廣健康生活。一向擔任健身教練的他今次擺脫傳統的健美方程式，收納外國意念令運動變得更有趣、更能融入生活：「特色係一班人做會冇咁悶，同埋係全方位嘅訓練，消脂、手腳靈活、耐力、肌力，而且每次上堂個玩法都唔同，有趣味性啲，本來我都玩健身，依家都轉咗用Bootcamp嚟Train自己。」

強化心肺功能

Rocky將今次的課堂分為三部分，第一部分由他帶領學員原地步操玩遊戲，第二部分列出四個環節，先跳繩，然後俯後撐，再做穿梭跑，最後衝刺向前爬地，四個環節要在4分鐘內完成，而且連續做七組，只見一眾學員做到第三組開始叫苦連天！Rocky說：「呢種訓練可以練肌肉之餘，亦可以練埋心肺功能，一舉兩得。（同做健身有咩分別？）淨係玩健身，純粹係令到個身形靚，冇練到個心肺功能，集中鍛煉肌肉，美感會多啲，力量大啲，Bootcamp練嘅嘢就較全面，但當然兩者可以配合啦，做適量嘅運動，平時做嘢都精神啲啦！」

着重團隊合作

Rocky認為香港人十分適合做Bootcamp，因可增加人與人之間的交流，同時訓練團隊合作，而做健身則比較個人。趣味性較高的Bootcamp毋須特別用具，即使安在家中亦能鍛煉，強身健體！