樂壇前輩倫永亮（Anthony）將於本月中參與《暗中作樂》音樂會，對於首次以表演嘉賓身份演出，他表示十分期待在黑暗環境下唱歌：「今次會係100%聽覺音樂會，仲諗住到時唔化妝同唔着靚衫去。」他又表示不怕在全黑環境下自彈自唱，反而踢爆拍檔陳潔靈「緊張大師」上身：「佢驚我會喺黑暗中彈彈吓琴跣咗落地，又驚自己着高踭鞋會踩到電線而走火電死！」談到音樂會為視障人士籌款，他坦言與視障人士很有淵源，又提起1996年接受激光手術失敗一事：「做完開頭嗰年有啲副作用，睇嘢有啲光環，跟住發覺度數每月增加，原來呢個係白內障病徵，於是大約8至10年前去咗做白內障手術，Insert咗人工晶體之後就發現乜都睇番晒，遠、近都得。」對生死豁達的他得悉患病亦毫不懼怕：「對生死唔驚，因為生老病死係必經階段。」

倫永亮十分期待在全黑的環境下自彈自唱。