女星周秀娜早前出席運動品牌活動，Fit爆的她透露平日會靠運動保持身形、去水腫及心境開朗，好處多多：「我平均一星期玩兩至三次Kick Boxing，如果要出埠，都會喺酒店做Gym、跑步、拉筋，女仔過咗25歲，新陳代謝會變慢，所以冇得偷懶！」

靠運動保持Fit爆身形的周秀娜，曾因「女人味」太勁而婉拒與粉絲合照。

她笑言成名後仍會落街跑步，有次卻因「女人味」太勁而感尷尬：「嗰日落街跑完後，出咗成身汗，覺得自己有啲臭，點知有Fans認到我要求合照，但我費事陣味焗親佢，所以拒絕咗佢，真係唔好意思！」