羅仲謙 蔡思貝再談情上位

無綫下月中將開拍以潮流雜誌為題材的劇集《潮流教主》，主角落實是早前拍攝《衝線》傳緋聞的羅仲謙與蔡思貝，無綫有意將兩人打造成情侶檔，拍住上位！不過，據悉謙仔曾擔心激嬲女友楊怡，一度猶豫是否要推掉此劇，有爆料者指楊怡不願看見兩人談情說愛，但不想阻礙男友上位，惟有啞忍，謙仔亦非常識做，被拍得齊齊睇新樓盤，向女友大派定心丸！

賣A貨捱出頭

劇中飾演模特兒的謙仔接受電話訪問，問到可擔心再與蔡思貝傳緋聞？他說：「唔驚，都係視為工作，大家都係專業嘅！（要向女友備案？）唔使，完成工作就得，都係做嘢！（使唔使再操弗？）唔使，唔再肥就得，做Model都唔一定要除衫！」至於蔡思貝則飾演「廟街時裝皇后」，在廟街賣冒牌手袋及服飾，對於繼續被力捧擔正「女一」，她說：「當然開心，多謝公司畀機會，睇劇本好吸引，角色由醜小鴨變鳳凰。（怕唔怕再同羅仲謙傳緋聞？）唔想有負面新聞，只想專心做嘢。」她又表示很期待與陳豪首次合作，但擔心在造型見面碰面時會怕醜面紅。

陳豪期待新鮮感

《潮》劇演員配搭充滿新鮮感，包括陳豪、李佳芯、李亞男、許亦妮、楊秀惠及邵珮詩等，更會出動高級時裝，製作費較普通劇集高出一倍！男主角之一的陳豪將飾演雜誌社總編輯，他說：「好開心，同一班新演員合作，希望帶到新鮮感畀觀眾，亦希望擦出新火花！」至於同樣是女主角的李佳芯說：「唔知係主角，亦未知角色係乜，總之會做好佢，加入咗無綫3年拍咗好多劇，冇白費努力。 」極速上位的她又表示不擔心招人妒忌。